கார்ல்ஸ்பெர்க் மலேசியாவுக்கு தி எட்ஜ் பில்லியன் ரிங்கிட் கிளப் விருதுகளில் இரட்டை அங்கீகாரம்

நீண்டகால பங்குதாரர் மதிப்பை உருவாக்குதல், சிறந்த செயல்பாட்டு நடைமுறைகள் மற்றும் பொறுப்பான வணிகச் செயல்பாடுகள் ஆகியவற்றில் தொடர்ந்து கவனம் செலுத்தி வரும் Carlsberg Brewery Malaysia Berhad, இந்த ஆண்டுக்கான The Edge Billion Ringgit Club Awards 2026 விருது விழாவில் இரட்டை அங்கீகாரத்தைப் பெற்றுள்ளது.

கார்ல்ஸ்பெர்க் மலேசியா, நுகர்வோர் பொருட்கள் மற்றும் சேவைகள் துறையில் தொடர்ந்து ஏழாவது ஆண்டாக ‘Highest Return-on-Equity (ROE)’ விருதையும், RM1 பில்லியன் முதல் RM10 பில்லியன் வரையிலான சந்தை மூலதனத்தைக் கொண்ட நிறுவனங்களுக்கான ‘Best Corporate Responsibility (CR) Initiatives’ விருதை மூன்றாவது முறையாகவும் வென்றுள்ளது.

இந்த அங்கீகாரங்கள், பங்குதாரர்களுக்கு வலுவான வருமானத்தை வழங்குவதுடன், நிறுவனத்தின் முழு மதிப்புச் சங்கிலியிலும் நேர்மறையான தாக்கத்தை ஏற்படுத்தும் வகையில் கார்ல்ஸ்பெர்க் மலேசியா மேற்கொண்டு வரும் முயற்சிகளை பிரதிபலிக்கின்றன.

2023 முதல் 2025 வரையிலான மூன்று ஆண்டுகளின் ROE செயல்திறனை அடிப்படையாகக் கொண்டு வழங்கப்பட்ட ‘Highest ROE’ விருதில் கார்ல்ஸ்பெர்க் மலேசியா தொடர்ந்து முன்னிலையில் உள்ளது. நிறுவனத்தின் 2025 ஒருங்கிணைந்த வருடாந்திர அறிக்கையின்படி, பங்குதாரர் நிதியின் மீதான வருமானம் 2025ஆம் ஆண்டில் 125.8%, 2024ஆம் ஆண்டில் 134.3% மற்றும் 2023ஆம் ஆண்டில் 177.8% ஆக பதிவாகியுள்ளது.

இதனிடையே, நிறுவனத்தின் சுற்றுச்சூழல், சமூக மற்றும் நிர்வாக (ESG) நடவடிக்கைகளுக்கும் அங்கீகாரம் கிடைத்துள்ளது. MSCI ESG Ratings-ல் ‘AAA’ மதிப்பீடு மற்றும் FTSE4Good Bursa Malaysia Index-ல் 4-Star மதிப்பீடு பெற்றுள்ள நிலையில், சமூக ஈடுபாடு மற்றும் மனித உரிமை நடைமுறைகளை மேம்படுத்துவதில் கார்ல்ஸ்பெர்க் மலேசியாவின் முயற்சிகள் ‘Best Corporate Responsibility Initiatives’ விருதைப் பெறுவதற்கு பங்களித்துள்ளன.

இதற்கு முன்னதாக 2014 மற்றும் 2019ஆம் ஆண்டுகளில் இந்த விருதை நிறுவனம் வென்றிருந்தது.

விருதுகளைப் பெற்றது குறித்து கார்ல்ஸ்பெர்க் மலேசியாவின் நிர்வாக இயக்குநர் ஸ்டெஃபானோ கிளினி கூறுகையில், இந்த இரட்டை அங்கீகாரம் நிறுவனத்தின் ஊழியர்கள் மேற்கொண்ட கூட்டு முயற்சிகளுக்கும், நுகர்வோர், வாடிக்கையாளர்கள், சமூகங்கள் மற்றும் பங்குதாரர்கள் தங்கள் மீது வைத்துள்ள நம்பிக்கைக்கும் கிடைத்த அங்கீகாரம் எனத் தெரிவித்தார்.

மேலும், தற்போதைய புவிசார் அரசியல் சூழ்நிலை மற்றும் மூலதனச் சந்தைகளில் நிலவும் ஏற்ற இறக்கங்கள் காரணமாக வணிகச் சூழல் தொடர்ந்து சவாலானதாக இருந்தாலும், நிறுவனத்தின் பிராண்டுகள், மதுபான உற்பத்தி நிலையங்களின் திறன்கள் மற்றும் டிஜிட்டல் மாற்ற முயற்சிகளில் தொடர்ந்து முதலீடு செய்யப்படும் என்றும் அவர் குறிப்பிட்டார்.

பொறுப்பான வணிகத்துக்கு முக்கியத்துவம்

‘Best Corporate Responsibility Initiatives’ விருது, பொறுப்பான வணிக நடைமுறைகளை முன்னெடுப்பதிலும், நிறுவனத்தின் மதிப்புச் சங்கிலி முழுவதும் நேர்மறையான தாக்கத்தை உருவாக்குவதிலும் கார்ல்ஸ்பெர்க் மலேசியா மேற்கொண்டு வரும் நடவடிக்கைகளுக்கு வழங்கப்பட்டுள்ளது.

இதன் ஒரு பகுதியாக, நிறுவனத்தின் பொறுப்பான கொள்முதல் திட்டம் சப்ளையர்களுக்கும் விரிவுபடுத்தப்பட்டுள்ளது. இதில் மனித உரிமைகள் மற்றும் தொழிலாளர் உரிமைகள் தொடர்பான நடைமுறைகள், மலேசியாவின் National Action Plan on Business and Human Rights (NAPBHR) 2025–2030 திட்டத்துடன் இணங்கும் வகையில் செயல்படுத்தப்படுகின்றன.

மேலும், நிறுவனத்தின் புதுப்பிக்கப்பட்ட Human Rights Global Policy மூலமும் மனித உரிமை நடைமுறைகளுக்கு முக்கியத்துவம் அளிக்கப்பட்டுள்ளது.

சமூகப் பங்களிப்பிலும் கார்ல்ஸ்பெர்க் மலேசியாவின் Top Ten Charity Campaign முக்கிய பங்கு வகித்து வருகிறது. நான்கு தசாப்தங்களாக நடைபெற்று வரும் இந்த நிதி திரட்டும் முயற்சி, Malaysia Book of Records மூலம் நாட்டின் மிக அதிக மற்றும் நீண்டகாலமாக நடைபெறும் நிதி திரட்டும் தளமாக அங்கீகரிக்கப்பட்டுள்ளது.

1987ஆம் ஆண்டு தொடங்கப்பட்ட இந்தப் பிரசாரம், 2025ஆம் ஆண்டில் RM600 மில்லியன் நிதி திரட்டும் மைல்கல்லை எட்டியதுடன், நாடு முழுவதும் உள்ள 700க்கும் மேற்பட்ட தமிழ்ப்பள்ளிகள் உள்ளிட்ட மொழிப்பள்ளிகளுக்கு பயனளித்துள்ளது.

கார்ல்ஸ்பெர்க் மலேசியாவின் Corporate Affairs & Sustainability Director பேர்ல் லாய், நிறுவனத்தின் Brewing Tomorrow ESG திட்டத்தின் மூலம் ESG இலக்குகளை தொடர்ந்து முன்னெடுத்து வருவதாகத் தெரிவித்தார்.

குறிப்பாக, ஐக்கிய நாடுகள் சபையின் நிலையான வளர்ச்சி இலக்கு 4 – தரமான கல்வி (SDG 4) என்பதற்கு ஏற்ப, Top Ten பிரசாரத்தின் மூலம் மாணவர்கள் மற்றும் ஆசிரியர்களுக்கு சிறந்த கற்றல் சூழலை உருவாக்குவதில் நிறுவனம் கவனம் செலுத்தி வருவதாகவும் அவர் கூறினார்.

இந்த ஆண்டில் Bursa Malaysia-வில் பட்டியலிடப்பட்ட 1,060 நிறுவனங்களில் 183 நிறுவனங்கள் மட்டுமே Billion Ringgit Club-க்கு தகுதி பெற்றுள்ளன.

Billion Ringgit Club Awards, தொடர்ந்து மூன்று ஆண்டுகளின் லாப வளர்ச்சி, ROE மற்றும் மொத்த பங்குதாரர் வருமானம் உள்ளிட்ட நிதிச் செயல்திறனில் சிறந்து விளங்கும் நிறுவனங்களை அங்கீகரிப்பதுடன், நிறுவனப் பொறுப்புணர்வு நடவடிக்கைகளிலும் சிறப்பாக செயல்படும் நிறுவனங்களுக்கும் விருதுகளை வழங்குகிறது.