நாட்டின் தொழிலாளர் திறன்களை மேம்படுத்தவும், தொழில்துறையின் தேவைகளைப் பூர்த்தி செய்யவும் தொடர்ந்து செயல்படுவதாக மனிதவள மேம்பாட்டுக் கழகமான HRD Corp தெரிவித்துள்ளது.
பட்ஜெட் 2027-இன் கீழ், HRD Corp-இன் பயிற்சி நிதியிலிருந்து RM3 பில்லியன் ஒதுக்கீட்டில் 30 லட்சம் பயிற்சி வாய்ப்புகள் வழங்கப்படவுள்ளன. தொழில்முறைச் சான்றிதழ்கள், திறன் மேம்பாட்டுப் பயிற்சிகள் மற்றும் வேலைவாய்ப்புக்குத் தேவையான திறன்களை வளர்ப்பதில் கவனம் செலுத்தப்படும்.
மேலும், RM40 மில்லியன் ஒதுக்கீட்டில் ‘MADANI Professional Caregiver Skills’ திட்டம் செயல்படுத்தப்படவுள்ளது. இதன் மூலம் பள்ளிப் படிப்பை முடித்தவர்கள், தொழில்நுட்பக் கல்வி மற்றும் தொழிற்பயிற்சி (TVET) பட்டதாரிகள், வேலை தேடுவோர் உள்ளிட்ட 8,000 பேர் வரை பயனடைவார்கள் என எதிர்பார்க்கப்படுகிறது.
முதியோர் பராமரிப்பு, குழந்தைப் பராமரிப்பு, மாற்றுத்திறனாளிகள் பராமரிப்பு மற்றும் மகப்பேற்றுக்குப் பிந்தைய பராமரிப்பு உள்ளிட்ட துறைகளில் பயிற்சிகள் வழங்கப்படவுள்ளன.
2030ஆம் ஆண்டுக்குள் நாட்டின் தொழிலாளர் படையில் 35% பேர் திறன் வாய்ந்த பணியாளர்களாக இருப்பதை இலக்காகக் கொண்டு, நாட்டின் பொருளாதார வளர்ச்சிக்கும் வேலைவாய்ப்புக்கும் HRD Corp தொடர்ந்து பங்களிக்கும் எனத் தெரிவிக்கப்பட்டுள்ளத
